Davvisámi

Rávesolbmuidskuvllat leat buohkaide rabas oahppolágádusat, main sáhttá oahppat ođđa dieđuid ja dáidduid. Dávjá fállui gullet dáiddaávdnasiid, giehtaduoji ja musihka kurssat, giella- ja girjjálašvuođakurssat, ruovttudoalu, lihkadeami ja dihtorteknihka kurssat ja servodatlaš ávdnasat. Lassin rávisolbmuidskuvllain ordnejit jahkásaččat olu rabas almmolaš logaldallamat sierralágan fáttáin. Rávesobmuiskuvlii eai boađe čađahit dutkosa, muhto oahpuid vuođđun lea eallenagi oahppama vuođđojurdda ja olbmo iežas hállu oahppat ja ovdánit.

Suomas leat oktiibuot 184 rávesolbmuidskuvlla. Dat doibmet juohke gieldda guovllus. Okta doaimma váldomihttomearri leage oahpahusa buktit olbmuid lahka. Dán dihtii oahpahus lea dávjá háddjejuvvon gieldda eará guovlluide. Rávesolbmuidskuvlla sáhttá leat suomagielat namas beales rávesolbmuidskuvlla, bargoveahkaskuvlla, oahpahat dahje rávesolbmuidoahpahat. Rávesolbmuidskuvlla lea okta friddja čuvgehusbarggu oahppolágádushámiin.

  • Rávesolbmuidskuvllas leat eanet oahppit go mange eará oahppolágádushámis Suomas.
  • Kurssaide oassálastet jahkásaččat sulaid 650 000 oahppi.
  • Oahpahussii sáhttá oassálastit gii beare agis ja skuvlenduogážis fuolatkeahttá.
  • Oahpahusdiimmut ordnejuvvojit jahkásaččat badjel 2 miljon.


Gieldalaččat sáhttet dávjá váikkuhit kursafálaldahkii buktimiin iežas sávaldagaid ja oahpahagaide gulláge lága mielde vástidit báikkálaččaid čuvgehusdárbbuide. Dán sivas rávesolbmuidskuvllaid kursafálaldat molsašuddá ja oahpahagain leat sierra deattuhusat earálágan báikegottiin. Kursafálaldat eallá maiddái servodatlaš nuppástusaid mielde.

Rávesolbmuidskuvlla lea máŋgga báikegottis mearkkašahtti kulturdoaibmi. Kurssaid lassin oahpahagain ordnejuvvojit sierralágan dáhpáhusat, konsearttat, teáhterčájáhusat ja dáiddačájáhusat. Rávesolbmuidskuvlla soajáid vuolde doibmet maiddái iežas koara, orkeasttar dahje teáhterjoavku. Buoremus dilis oahpahagat doibmet aktiverejeaddji deaivvadanbáikin ja kulturguovddážin. Rávesolbmuidskuvllat geahpedit ovddalgihtii eastadeaddji vugiin sosiála- ja dearvvašvuođafuolahusa goluid. Seammás dat addet barggu gieldalaččaide máŋggain sierra vugiiguin.

Rávesolbmuidoahpahagat ordnejit maiddái dáidaga vuođđooahpahusa (TPO), dáiddabajásgeassin mii ovdána mihttomeriid mielde. Dáidaga vuođđooahpahussii gullet musihkka dánsa, sátnedáidda sihke čájeheaddji ja visuála dáidagat. Oassi rávesolbmuidskuvllain ollašuhttet  sisafárrejeaddjiid ruovttuiduhttinskuvlejumi. Rávesolbmuidskuvllat ordnejit maiddái rabas universiteahta kurssaid ja dahket muhtun veardde ovttasbarggu logahatoahppiiguin ja fállet logahagaid friddjaválljejuvvon kurssaid.

Eanemus oahpahus fállojuvvo čuovvovaš ávnnasjoavkkuin:

  • Giehtadáiddut 23 %
  • Musihkka19 %
  • Gielat 18 %
  • Lihkadeapmi 13 %
  • Govvadáidda 10 %
  • Teáhter ja dánsa 6 %


Rávesolbmuidskuvlla mihttomearrin lea friddja čuvgehusdoaimma lága mielde ovddida olbmuid máŋggabealat ovdáneami, buresbirgejumi ja álbmotválddi, máŋggaárvosašvuođa, suvdilis ovdáneami, máŋggakultuvrralašvuođa ja riikkaidgaskasašvuođa ollašuvvama. Rávesolbmuidskuvlla lea friddja čuvgehusdoaimma viđa oahppolágádushámiin stuorámus.

Rávesolbmuidskuvlla oktavuođadieđut gávdnojit dáppe.